Հուլիսի 26-ին նոտարական պալատի նախագահ Մամիկոն Ասլանյանը հանդիպում ունեցավ «Ինթեգրիթի Էքշն» միջազգային ոչ կառավարական կազմակերպության և «ԼԻԳԼ ԸԼԱՅԸՆՍ» իրավաբանական ընկերության հետ համատեղ իրականացվող ուսումնաարտադրական պրակտիկայի մասնակիցների հետ: Պրակտիկայի մասնակիցները տարբեր ԲՈՒՀ-երի ուսանողներ էին: Պարոն Ասլանյանը խոսեց նոտարական պալատի գործունեության և պալատի նախագահի ընտրության մասին և մանրամասներ ներկայացրեց նոտարների գործունեության վերաբերյալ: Մասնակիցները իրենց հարցերի միջոցով տեղեկացան պալատում առկա խնդիրներին, ինչպես նաև ոլորտում իրականվող հակակոռուպցիոն գործունեությանը: Պալատի նախագահը խոսեց էթիկայից, կոմպետենտությունից և հաշվետվողականությունից: Նա նաև նշեց նոտարական պալատի համագործակցությունների մասին և կարևորեց այն փաստը, որ Ռուսաստանում և Ուկրաինայում ապրող այն բնակիչները, ովքեր վատ են տիրապետում լեզվին և դժվարանում են հաղորդակցվել տեղի նոտարների հետ, կարող են դիմել նոտարական պալատի նախագահին և վերջինս կաջակցի նրանց այդ հարցերում: Վերջում պարոն Ասլանյանը նաև ներկայացրեց պալատի կողմից իրականացվող հանրային իրազեկամանն ուղղված ակցիաները: