Հայաստանի Հանրապետության նոտարական պալատի և անձամբ իմ անունից շնորհավորում եմ Ձեզ և փաստաբանական ողջ համայնքին մասնագիտական տոնի կապակցությամբ։

Հայաստանի Հանրապետության դատաիրավական համակարգում փաստաբանությունը զարգացվածության բարձր մակարդակով ունի իր ուրույն տեղը ։

Նոտարական գործողությունների ընթացքում նոտարներս բազմիցս առնչվում ենք փաստաբանների հետ և կարող ենք փաստել, որ փաստաբանությունը իսկապես մեծ վերելք է ապրում։

Քաղաքացիների իրավունքների պաշտպանության տեսանկյունից բարձր եմ գնահատում փաստաբանի աշխատանքը, քանի որ այն որակապես նոր աստիճանի է հասցնում քաղաքացիական հասարակության պաշտպանության այս ինստիտուտը՝ իր մեծ ներդրումն ունենալով Հայաստանի Հանրապետության՝ որպես իրավական պետության կայացման հարցում։

Տոնի կապակցությամբ Հայաստանի փաստաբաններին մաղթում եմ մասնագիտական նոր ձեռքբերումներ, իրավապաշտպան գործունեության մեջ՝ անկոտրում կամք ու խաղաղություն բոլորի ընտանիքներին։

Հարգանքով՝

ՀՀ նոտարական պալատի նախագահ Լիլիթ Մուրադյան