Հայաստանի Հանրապետության նոտարական պալատի ղեկավարությունը Հայոց Բանակի տոնի առթիվ այսօր շնորհավորական այց էր կազմակերպել Գյումրիի մի զորամաս: Պալատի անդամ նոտարները շնորհավորեցին զինծառայողներին տոնի առթիվ՝ մաղթելով տոկունություն և բարի ու անփորձանք ծառայություն: Նրանք զինվորներին նվիրեցին Բանակի օրվա առթիվ պատրաստած նվերները, ծանոթացան կենցաղային պայմաններին, զրուցեցին սպայական կազմի և զինվորների հետ: Ջերմ և հայրենասիրական մթնոլորտում ծառայող տղաներին հրաժեշտ տալուց հետո՝ նոտարները գնացին Գյումրիի Յոթ Վերք եկեղեցի: